Ahalik eta ondoen aurre egiteko aholkuak
Hemen da iraila, eta, horrekin batera, haur askorentzat ikasturtearen hasiera, beraiei eta euren familiei buruhauste ugari dakarzkien momentua.
DYA Gipuzkoatik hasierako aste hauek eramangarriago egiten lagundu nahi dizugu, aholku hauekin:
- Ziur oraindik eskolako materiala erosten ari zaretela. Ez da beharrezkoa dena berria erostea, ziur aurreko urteko zerbait aprobetxa dezakezuela, baita bigarren eskuko testuliburuak erostea ere.
- Eskola-materialaz ari garela, zuen seme-alaben osasunerako oso garrantzitsua den zerbait motxila da. Kontuan izan haren pisuak ez duela haurraren pisuaren % 10 gainditu behar. Dena gurpildun motxila batean eramatea da gomendagarriena, baina, hala ez bada, tiranteak zabalak eta bigungarriak izan behar dute. Behin eta berriz esan behar zaie motxila gorputzari itsatsita eta bi sorbaldetatik zintzilik eraman behar dutela beti. Horrela, bizkarreko mina saihestuko dugu.
- Txikienei asko kostatzen zaie “uda modutik” eskolara pasatzea eta ordutegi berrietara, arduretara… egokitzea. Horregatik, garrantzitsua da trantsizio hori pixkanaka egitea, eta, horretarako, oso ondo dator lanaldi erdiarekin hastea, horrela, arratsaldeak aprobetxa ditzakezue udako jarduerak egiteko, hala nola hondartzara edo igerilekura joatea.
- Egun gutxi barru, zuen seme-alabek eskolaz kanpoko jardueraren batean parte hartuko duten erabaki beharko duzue. Kontuan izan haurraren iritzia eta, batez ere, ez gehiegi kargatu erantzukizun handiegiekin. Atseden hartzeko eta jolasteko denbora ere izan behar dute.
- Bai eskolara beren kabuz joango badira, adinekoak direlako, bai eskola-garraioa erabiliko badute, oso garrantzitsua da istripuak saihesteko oinarrizko arau batzuk gogoraraztea. Oso bideo argigarria aurki dezakezue hemen: https://www.youtube.com/watch? v = 9aoIuBYA5Lc
- Elikadurari dagokionez, haurrek hamaiketakoa eta askaria egin behar dute, baina beti jaki osasungarriekin, opil industrialak saihestuz. Fruta eta jogurtak oso aukera osasungarriak dira.
Honekin guztiarekin, eskolarako itzulera zoriontsua opa dizuegu!
